काठमाडौं, २०८१ भदौ १४ । यस वर्षको प्रतिष्ठित मदन पुरस्कार लेखक मोहन मैनालीको कृति ‘मुकाम रणमैदान’ले जितेको छ। मदन पुरस्कार गुठीको साधारण सभा बैठकले २०८० सालको लागि यो कृतिलाई पुरस्कार दिने निर्णय गरेको हो।

मदन पुरस्कारको स्थापना २०१२ सालमा भएको हो, जसले नेपाली साहित्यमा योगदान पुर्याउने लेखकहरूलाई सम्मानित गर्दै आएको छ। यस वर्षको पुरस्कारको राशी ४ लाख रुपैयाँ रहेको छ।

साथै, गुठीले प्रा. डा. योगेन्द्रप्रसाद यादवलाई जगदम्बा श्री २०८० पुरस्कार प्रदान गर्ने निर्णय पनि गरेको छ, जसको पुरस्कार राशी पनि ४ लाख रुपैयाँ नै रहेको छ। 

२०८० सालमा प्रकाशित पुस्तकमध्ये ३०४ कृतिहरूबाट उत्कृष्ट पाँच कृतिहरूको सूचीमा ‘मुकाम रणमैदान’ सहित भक्त स्याङतानको ‘डम्फुको आत्मालाप’, जीवन क्षेत्रीको ‘नुन–तेल’, भावेश भुमरी र प्रणिता चामलिङको ‘भावलिपि’, र रोशन थापा नीरवको ‘सन्त्रासका साठी दिन’ परेका थिए। 

पुरस्कार वितरण समारोह आगामी असोजमा हुने गुठीका अध्यक्ष कुन्द दीक्षितले जानकारी दिएका छन्।

• Jigyasa media