रुकुम पश्चिम, २४ भदौ - रुकुम पश्चिमको मुसिकोट नगरपालिकामा आइतबार राति मोटरसाइकल बगाउँदा दुईजनाको मृत्यु भएको छ। मुसिकोट नगरपालिका–६ र ७ को सिमानामा पर्ने रमा खोलाले मोटरसाइकल बगाएपछि मुसिकोट–४ का ५० वर्षीय सर्जन पुन र मुसिकोट–६ की ३२ वर्षीया निर्मला केसी थापाको ज्यान गएको हो।
मुसिकोट–४ का पुन र मुसिकोट–६ की थापा साँख गाउँबाट कानेवाङतर्फ आउँदै गर्दा रा६प २९६९ नम्बरको मोटरसाइकल बगाएको थियो। जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक बखतबहादुर शाहीका अनुसार, घटनाको जानकारी आज बिहान मात्र प्राप्त भएको हो।
प्रहरीले महिलाको शव खोलाबाट तीन सय मिटर तल र पुरुषको शव मोटरसाइकलले च्यापिएको अवस्थामा २० मिटर तल फेला पारेको छ।
- Jigyasa media
