काठमाडौं, कात्तिक २० – मिथिलाञ्चल र मधेसका विभिन्न जिल्लामा धुमधामका साथ मनाइने चारदिने छठ पर्व आजदेखि विधिपूर्वक सुरु भएको छ। महोत्तरी, धनुषा, सिरहा, सप्तरी, सुनसरी, मोरङ, सर्लाही, रौतहट, बारा, पर्सालगायत क्षेत्रमा भक्तजनहरूले पूर्ण निष्ठासहित पर्वको आरम्भ गरेका छन्।

चार दिनसम्म चल्ने यस पर्वको पहिलो दिनलाई 'नहा खा' भनिन्छ। यस दिन व्रतालुले नुहाएर शुद्ध भोजन गरेर पर्वको संकल्प लिन्छन्। दोस्रो दिन 'खर्ना'को क्रममा व्रतीले निराहार उपवास बस्छन् र साँझ कूल देवताको पूजा गरी अनाज बिना पकाएको भोजन ग्रहण गर्ने चलन छ।

षष्ठीका दिन साँझ सूर्यलाई अस्ताउँदो अर्घ अर्पण गरिन्छ, जसका लागि गहुँ र चामलबाट बनाइएका पकवान, फलफूल, र विशेष परिकारसहित छठ घाटमा गई पूजा गरिन्छ। अन्तिम दिन शुक्रबार बिहान पुनः उदाउँदो सूर्यलाई अर्घ अर्पण गर्दै यो पर्व सम्पन्न गरिन्छ।

महाभारत, सूर्य पुराण, र लोककथामा आधारित छठ पर्वले सत्य, अहिंसा र सहानुभूतिमा प्रेरित गर्ने मान्यता रहेको छ। विशेषगरी पौराणिक प्रसंगअनुसार, पत्नी अनुसुइयाले यो व्रत लिएकी थिइन्, जसले उनलाई स्थायी सौभाग्य प्रदानगर्यो।

• Jigyasa media