काठमाडौं ।हाल देशको पश्चिमी भू-भागमा पश्चिमी न्यून चापीय प्रणालीको प्रभाव देखिएको छ। जल तथा मौसम विज्ञान विभाग, मौसम पूर्वानुमान महाशाखाका अनुसार गण्डकी, कर्णाली, र सुदूरपश्चिम प्रदेशका पहाडी क्षेत्रमा आंशिक बदली रहेको छ भने बाँकी क्षेत्रहरूमा मौसम मुख्यतया सफा रहेको छ। तराईका धेरै स्थानमा भने घना हुस्सु र कुहिरो लागेका कारण जनजीवन प्रभावित बनेको छ।

दिउँसोको अवस्था

कोशी र गण्डकी प्रदेशको पहाडी क्षेत्रमा आंशिक बदली हुने देखिएको छ। तर, बाँकी भू-भागमा सफा मौसम रहने महाशाखाले जनाएको छ।

राति

रातिको समयमा कोशी प्रदेशको पहाडी क्षेत्रमा आंशिक बदली हुने सम्भावना छ। अन्य क्षेत्रहरूमा मौसम सामान्यतया सफा रहनेछ।

कर्णाली प्रदेशका उच्च पहाडी तथा हिमाली भू-भागमा केही स्थानमा हल्का हिमपात हुने सम्भावना छ। त्यस्तै, तराईका क्षेत्रमा हुस्सु र कुहिरोले दैनिक जनजीवन, कृषि, स्वास्थ्य, यातायात, र हवाई उडानमा असर पुर्याउन सक्ने हुँदा सतर्कता अपनाउन महाशाखाले आग्रह गरेको छ।

• Jigyasa media