विराटनगर, वैशाख १० – विराटनगर–१५ स्थित भट्टीमोडको ससुराली घरमा सुतिरहेका एक भारतीय नागरिकको करेन्ट लागेर ज्यान गएको छ।
भारतको जोगवनीस्थित टिकुलिया बस्ती घर भएका ३६ वर्षीय सुरेश चौधरीको बुधबार दिउँसो करेन्ट लाग्दा मृत्यु भएको हो। उनी ससुराली पक्षको घरमा ओछ्यानमै सुतेका अवस्थामा दिउँसो करिब २:१५ बजेतिर टेबल पंखाबाट करेन्ट लागेको प्रारम्भिक अनुसन्धानबाट खुलेको मोरङ प्रहरी प्रवक्ता डीएसपी वेदप्रकाश जोशीले जानकारी दिए।
घटनापछि गम्भीर अवस्थामा रहेका चौधरीलाई तत्काल उपचारका लागि कोशी अस्पताल लगिएको भए पनि चिकित्सकले उनलाई मृत घोषित गरेका थिए।
प्रहरीले घटनाको प्रकृति र कारणबारे थप अनुसन्धान सुरु गरेको जनाएको छ।
- T
