कात्तिक ३, हेटौंडा – दशैं मनाउन हेटौंडा आएका काठमाडौंका ४७ वर्षीय अजय मानन्धर स्थानीय होटेलमा मृत अवस्थामा फेला परेका छन्।
काठमाडौं महानगरपालिका-७ चावहिल निवासी मानन्धर २७ असोजदेखि हेटौंडा उपमहानगरपालिका-२ स्थित पल्पसा प्याराडाइज होटेलको ४०५ नम्बर कोठामा बस्दै आएका थिए। जिल्ला प्रहरी कार्यालय मकवानपुरका अनुसार, उनी दशैंको टीका लगाउन मामाघर आएका थिए।
प्रहरीको प्रारम्भिक अनुसन्धानमा, मानन्धर यसअघि पनि हेटौंडामा आउँदा सोही होटेलमा बस्ने गरेको पाइएको छ। शुक्रबार बिहान साथीहरुले फोन गर्दा जवाफ नआएपछि होटेलको ढोका खोलेर हेर्दा उनी मृत फेला परेका थिए।
मकवानपुरका प्रहरी नायव उपरीक्षक श्यामु अर्यालले घटनाको थप अनुसन्धान भइरहेको बताएका छन्। शवलाई हेटौंडा अस्पतालको शव गृहमा राखिएको छ।
- Jigyasa media
