कालिकोट — कालिकोट जिल्लाको पलाता गाउँपालिका–५ स्थित राडुकाप्रे खोलामा जीप दुर्घटना हुँदा ६ जनाको ज्यान गएको छ भने १३ जना गम्भीर घाइते भएका छन्। क १ ज ५६ नम्बरको जीप खिनबाट थिर्पुतर्फ जाँदै गर्दा आइतबार दिउँसो २:३१ बजे दुर्घटनामा परेको थियो।

प्रहरीका अनुसार मृतकमा पलाँता गाउँपालिका–५ निवासी पदमबहादुर बम, पुन्नकला शाही, छाया शाही, भद्र रोकाया, गणेश शाही, र ६ वर्षीय बालक दमन रोकायाको पहिचान खुलेको छ।

दुर्घटनामा घाइते भएका १३ जनाको हेलिकप्टरमार्फत उद्धार गरिएको छ। घाइतेहरुमा विजय थापा, ईश्वर थापा, केशव थापा, डल्ली बिक, आषुसा विक, रिदम शाही, प्रतिक्षा शाही, आशिष रोकाया, भुपेन्द्र रोकाया, दानबहादुर रोकाया, निर्मला रोकाया, जगत रोकाया र चालक हस्त बम रहेका छन्।

प्रहरीको भनाइ अनुसार, जीप दुर्घटना स्थलबाट करिब २-३ सय मिटर तल खसेको थियो। घटनाको थप विवरण संकलन भइरहेको जनाइएको छ।

घटनामा दिवंगतप्रति श्रद्धाञ्जली र घाइतेहरुको शीघ्र स्वास्थ्यलाभको कामना गरौँ।

• Jigyasa media