काठमाडौं, बैशाख २२ (मङ्गलबार) — पश्चिमी तथा स्थानीय वायुको प्रभावसँगै देशको पूर्वी भागनजिक सक्रिय न्यून चापीय क्षेत्रका कारण आज देशका विभिन्न भागमा वर्षाको सम्भावना देखिएको छ।

मौसम पूर्वानुमान महाशाखा का अनुसार मंगलबार बिहानसम्म गण्डकी, लुम्बिनी, कर्णाली र सुदूरपश्चिम प्रदेशमा सामान्यतया बदली रही केही स्थानमा हल्का वर्षा भइरहेको छ भने अन्य प्रदेशमा आंशिक बदली रहेको छ।

🌧️ दिउँसो कस्तो रहनेछ मौसम?

दिउँसो देशका पहाडी तथा हिमाली भेगमा सामान्य बदली रहनेछ भने तराई क्षेत्रमा आंशिक बदली रहनेछ।

कोसी र गण्डकी प्रदेशसहित पहाडी भूभागका केही स्थान तथा अन्य क्षेत्रका थोरै स्थानमा मेघगर्जन/चट्याङसहित मध्यमसम्म वर्षा तथा उच्च हिमाली क्षेत्रमा हिमपातको सम्भावना रहेको छ।

🌙 राति पनि वर्षाको सम्भावना

आज राति कोसी, मधेस, बागमती र गण्डकी प्रदेशमा सामान्य बदली रहनेछ।

कोसी प्रदेशका केही स्थान तथा मधेस र बागमती प्रदेशका पहाडी भूभागमा मेघगर्जन/चट्याङसहित मध्यम वर्षा हुने सम्भावना छ भने अन्य स्थानमा हल्का वर्षा हुन सक्छ।

☁️ काठमाडौँ उपत्यकाको अवस्था

काठमाडौँ उपत्यकामा भने आज हल्का वर्षाको सम्भावना रहेको छ। मौसमविद् डेभिड ढकाल का अनुसार उपत्यकाका एक–दुई स्थानमा करिब ३० प्रतिशत सम्भावनासहित हल्का वर्षा हुन सक्छ। बिहान भने मौसम सफा रहेको उनले बताए।

📊 वर्षाको मापन कसरी गरिन्छ?

मौसमविद्का अनुसार २४ घण्टामा पर्ने वर्षाको आधारमा वर्गीकरण गरिन्छः

१० मिमि भन्दा कम: हल्का वर्षा

१०–५० मिमि: मध्यम वर्षा

५०–१०० मिमि: भारी वर्षा

१००–२०० मिमि: धेरै भारी वर्षा

२०० मिमि भन्दा बढी: अति भारी वर्षा

🌍 वर्षा हुने क्षेत्रको अर्थ

‘एक–दुई स्थान’: १०% भन्दा कम क्षेत्र

‘थोरै स्थान’: १०–३०%

‘केही स्थान’: ३०–५०%

‘धेरै स्थान’: ५०–८०%

‘अधिकांश स्थान’: ८०% भन्दा बढी क्षेत्र

मौसममा आएको यस परिवर्तनले विशेष गरी पहाडी र हिमाली क्षेत्रका बासिन्दालाई सावधानी अपनाउन सुझाव दिइएको छ।

• Jigyasanepal