मुस्ताङ, १२ वैशाख — मुस्ताङको कागबेनीस्थित पवित्र श्राद्धस्थलमा एक हृदयविदारक घटना भएको छ। कालीगण्डकी नदी ले बगाउँदा ८ वर्षीय बालकको ज्यान गएको छ।
जिल्ला प्रहरी कार्यालयका अनुसार कागबेनी नजिक श्राद्ध गर्ने क्रममा सुर्खेतको वीरेन्द्रनगर नगरपालिका–५ निवासी विमला गौलीको ८ वर्षीय छोरा बरुण गौली अचानक नदीमा बेपत्ता भएका थिए। परिवारसहित १२ जनाको टोली शनिबार पितृको श्राद्ध गर्न कागबेनी पुगेको थियो।
बालक हराएपछि नदी किनारमा उनको चप्पल फेला परेपछि तत्काल खोजी सुरु गरिएको थियो। नेपाल प्रहरी र सशस्त्र प्रहरीको संयुक्त टोलीले श्राद्धस्थलबाट करिब एक किलोमिटर दक्षिण किनारमा उनलाई अचेत अवस्थामा फेला पारेको जनाएको छ।
उद्धारपछि तत्काल उपचारका लागि जोमसोम स्थित प्रदेश अस्पताल पुर्याइएको भए पनि चिकित्सकले पुग्नेबित्तिकै मृत घोषणा गरेका थिए।
⚠️ सावधानीको आवश्यकता
धार्मिक तथा पर्यटकीय क्षेत्र भए पनि कालीगण्डकी नदीको बहाव जोखिमपूर्ण हुने भएकाले स्थानीय प्रशासनले नदी आसपास विशेष सतर्कता अपनाउन आग्रह गरेको छ।
-
Jigyasanepal
