काठमाडौं । सोमबार भएको २८ वर्ष मुनी ‘जेन–जी’ पुस्ताले गरेको प्रदर्शनमा प्रहरीको गोली लागेर एक जनाको मृत्यु भएको छ । प्रदर्शनका क्रममा सोमबार प्रहरीको गोली लागेर घाइते भएका एक जनाको मृत्यु भएको बताइएको छ ।

घाइते प्रदर्शनकारीको नयाँबानेश्वरस्थित सिभिल अस्पतालमा उपचारको क्रममा मृत्यु भएको हो । सिभिल अस्पतालका निर्देशक मोहन रेग्मीका अनुसार घाइतेमध्येका एकजनाको मृत्यु भएको छ भने ७०–८० जना घाइतेको उपचाररत छन् ।

उनको परिचय खुल्न बाँकी छ । यसबारे विस्तृत विवरण आउन बाँकी छ । सरकारले पछिल्लो समय नेपालमा दर्ता नभएका फेसबुकलगायत सामाजिक सञ्जालमा प्रतिबन्ध लगाएपछि इतिहासमै पहिलो पटक जेन–जी पुस्ताले संघीय राजधानी काठमाडौंसहित देशभर विशाल प्रदर्शन भइरहेको छ ।

उनीहरुले हाम्रो देश कसले बचाउछ रु, लगानीभन्दा भ्रष्टाचार बढी, मेरो पैसा दे जस्ता प्लेकार्ड बोकेर प्रदर्शनमा उत्रिएका छन् । सरकारले केही दिन अघिबाट नेपालमा दर्ता नभएका फेसबुकलगायत विभिन्न सामाजिक सञ्जालमा प्रतिबन्ध लगाएको छ ।

• Jigyasanepal