काठमाडौं, भदौ २३ । सामाजिक सञ्जाल बन्दको विरोधमा उत्रिएका ‘जेनजी’ पुस्ताको आन्दोलन अझ उग्र बन्दै गएपछि मृत्यु हुनेको संख्या १४ पुगेको छ । आइतबार दिउँसो साढे ३ बजेसम्म १३ जनाको मृत्यु पुष्टि भइसकेकोमा सिभिल अस्पतालमा थप एक प्रदर्शनकारीले ज्यान गुमाएपछि मृतक संख्या १४ पुगेको हो ।

स्वास्थ्य तथा जनसंख्या मन्त्रालयका अनुसार उपत्यकाका विभिन्न अस्पतालमा उपचाररत अवस्थामै प्रदर्शनकारीहरूले ज्यान गुमाएका हुन् । ट्रमा सेन्टरमा ६, सिभिल अस्पतालमा ३, केएमसी अस्पतालमा १, त्रिवि शिक्षण अस्पतालमा १ र एभरेष्ट अस्पतालमा ३ जनाको मृत्यु भएको आधिकारिक तथ्याङ्क प्राप्त भएको छ ।

यद्यपि घाइतेहरूको यकिन विवरण भने अझै आइसकेको छैन । आन्दोलनका क्रममा दर्जनौँ घाइते भएका र विभिन्न अस्पतालमा उपचार भइरहेको बताइए पनि ठ्याक्कै संख्या सार्वजनिक गरिएको छैन ।

सामाजिक सञ्जाल दर्ता अनिवार्य गर्ने र सूचीकृत नभएका प्लेटफर्म बन्द गर्ने सरकारी निर्णयविरुद्ध युवा पुस्ता सडकमा उत्रिएको थियो । प्रदर्शन चर्किँदै गएपछि राजधानीका विभिन्न ठाउँमा भिडन्त भएको थियो ।

👉 एकपछि अर्को मृत्यु : सामाजिक सञ्जाल बन्दको निर्णयले मुलुकभर तनाव बढाउँदै

• Jigyasanepal