काठमाडौं । जल तथा मौसम विज्ञान विभागका अनुसार आज देशका केही भागमा वर्षा र हिमपातको सम्भावना रहेको छ। पश्चिमी प्रणाली र स्थानीय वायुले प्रभाव पार्दा विशेषगरी पहाडी तथा हिमाली भेग प्रभावित हुनसक्ने अनुमान गरिएको छ।
बिहानैदेखि पहाडी क्षेत्रहरूमा आंशिकदेखि मध्यम बादल लाग्ने सम्भावना छ भने तराईका अधिकांश भूभागमा मौसम सफा रहने अनुमान गरिएको छ। दिउँसो कोसी, वाग्मती, गण्डकी र कर्णाली प्रदेशका पहाडी भागहरूमा मेघगर्जन र चट्याङसहित हल्का वर्षा हुनसक्ने मौसमविद्हरूले बताएका छन्।
यसैगरी, उच्च पहाडी तथा हिमाली क्षेत्रमा एक-दुई स्थानमा हल्का हिमपातको सम्भावना रहेको छ। मौसमविद्हरूले बदलिँदो मौसमी अवस्थालाई ध्यानमा राख्दै आवश्यक सतर्कता अपनाउन आग्रह गरेका छन्।
- Jigyasa media
