काठमाडौं - काठमाडौं मिनभवनस्थित नेपाल कमर्स क्याम्पसका प्राध्यापक धर्मराज विष्टको हत्यामा संलग्न भएको आरोप लागेका एक व्यक्ति १७ वर्षपछि पक्राउ परेका छन्। काठमाडौं उपत्यका अपराध अनुसन्धान कार्यालयको टोलीले रञ्जन खड्कालाई पक्राउ गरेको हो।
यस घटनामा यसअघि विनोद थापा र सबिता थापा अधिकारीलाई पनि पक्राउ गरिएको थियो। २०६४ असार २६ गते शंखमुलमा निर्घात कुटपिटबाट प्राध्यापक विष्टको मृत्यु भएको थियो। सबितालाई जिस्काएको निहुँमा विष्टमाथि सांघातिक आक्रमण भएको थियो। सबिता गत चैतमा पक्राउ परेकी थिइन्। विनोद भने १० वर्ष जेल बसेर २०७९ सालमा छुटेका थिए।
हाल पक्राउ परेका रञ्जन, विनोदका मामाका छोरा हुन्। रञ्जन लामो समयदेखि भारतमा लुकेर बस्दै आएको काठमाडौं उपत्यका अपराध अनुसन्धान कार्यालयका प्रमुख सानुराम भट्टराईले जानकारी दिएका छन्।
- Jigyasa media
