अर्घाखाँची, भदौ १७ ।
अर्घाखाँचीको छत्रदेव गाउँपालिका–४ मा एक महिलाको हत्या गरी शव भान्साकोठमै गाडिएको भयानक घटना सार्वजनिक भएको छ। घटना सार्वजनिक भएपछि प्रहरीले श्रीमान् किरण गुरुङलाई पक्राउ गरेको जनाएको छ।
जिल्ला प्रहरी कार्यालय अर्घाखाँचीका प्रमुख चक्रबहादुर मल्लका अनुसार अभियुक्तले करिब एक साताअघि आफ्नी ३४ वर्षीय श्रीमती सुमित्रा गुरुङको हत्या गरेर भान्सामा गाडेको स्वीकार गरेका छन्।
अनुसन्धानपछि खुल्यो रहस्य
छोरी हराएको भन्दै परिवारजनले प्रहरीमा जाहेरी दिएका थिए।
प्रहरी टोलीले घरमा खोजतलास गर्ने क्रममा भान्साकोठाबाट सडेको शव फेला पारियो।
प्रारम्भिक अनुसन्धानमा घरायसी विवादका कारण आवेशमा हत्या भएको खुल्न आएको प्रहरीले जनाएको छ।
अभियुक्तको पृष्ठभूमि
किरण गुरुङ प्युठानको नौबहिनी गाउँपालिका–१ का स्थायी बासिन्दा हुन्। हाल उनी अर्घाखाँचीमा बस्दै आएका थिए।
कानूनी प्रक्रिया
प्रहरीले उनलाई नियन्त्रणमा लिएर मुद्धा दर्ता गर्ने तयारी गरेको जनाएको छ। घटनाले स्थानीयस्तरमै त्रास र आक्रोश फैलिएको छ।
-
Jigyasanepal
