झापा । शिवसताक्षी नगरपालिका–८ निपत्रियामा एक श्रीमानले घरेलु हतियार खुकुरी प्रहार गरी श्रीमतीको हत्या गरेका छन्। ४७ वर्षीय ओमप्रसाद अधिकारीले मंगलबार साँझ आफ्नै श्रीमती ५३ वर्षीया रञ्जना गौतम अधिकारीमाथि खुकुरी प्रहार गरी हत्या गरेका हुन्।
घटनास्थलमै रञ्जनाको पौने ७ बजे मृत्यु भएको थियो। जिल्ला प्रहरी कार्यालय झापाका डीएसपी कृष्णकुमार चन्दले घरायसी विवादका कारण यो घटना भएको हुन सक्ने अनुमान गरेका छन्। इलाका प्रहरी कार्यालय झिलझिलेको टोलीले ओमप्रसादलाई खुकुरीसहित नियन्त्रणमा लिएको छ, र घटनाबारे थप अनुसन्धान गरिरहेको छ।
- Jigyasa media
