काठमाडौं। मंगलबार बिहान गएको भूकम्पका कारण नेपालमा १३ जना घाइते भएका छन्। प्रहरीका अनुसार बारामा ११ जना, काठमाडौंमा १ जना र काभ्रेमा १ जना घाइते भएका छन्।
भूकम्पले देशका विभिन्न स्थानमा क्षति पुर्याएको छ। ओखलढुंगा, सोलुखुम्बु, संखुवासभा, ताप्लेजुङ, काभ्रे, बारा, काठमाडौं, सिन्धुपाल्चोक र रामेछापमा क्षतिको विवरण प्राप्त भएको छ।
९ संरचनामा क्षति
भूकम्पका कारण विभिन्न जिल्लाका ९ भौतिक संरचनामा क्षति पुगेको छ।
राष्ट्रिय भूकम्प मापन केन्द्रका अनुसार, बिहान ६:५० बजे चीनको तिब्बतस्थित दिंगे काउन्टीलाई केन्द्रबिन्दु बनाएर ६.८ म्याग्निच्युडको भूकम्प गएको थियो। यसको धक्का नेपालका धेरै स्थानमा महसुस गरिएको थियो।
प्रभावित क्षेत्रमा स्थानीय प्रशासनले क्षतिको विवरण संकलन र आवश्यक राहतका लागि कार्य जारी राखेको छ।
- Jigyasa media
