बागलुङ, चैत २१ – बागलुङमा पिकअप जीप दुर्घटना हुँदा एकजनाको ज्यान गएको छ भने तीनजना घाइते भएका छन्।
गलकोट नगरपालिका–३, हटिया बजारबाट कोटमैदानतर्फ गइरहेको ग१ज ६१०० नम्बरको पिकअप अनियन्त्रित भई दुर्घटनामा परेको हो। दुर्घटनामा गलकोट नगरपालिका–११, रिघाका २२ वर्षीय विष्णु रानाको मृत्यु भएको जिल्ला प्रहरी कार्यालय बागलुङले जनाएको छ।
यस दुर्घटनामा गलकोट–५, सर्दाखेतका २२ वर्षीय राजन विक, वडा नम्बर–४, डाँडाखेतका १९ वर्षीय रमेश सुनार र वडा–३, बोहराफाँटका १९ वर्षीय अशोक बोहरा घाइते भएका छन्। उनीहरूको गलकोट नगर अस्पतालमा उपचार भइरहेको प्रहरी नायब उपरीक्षक विजय यादवले जानकारी दिए।
प्रहरीका अनुसार जीपमा चारजना सवार थिए। चैते दसैँ मेला हेर्न कोटमैदान जाँदै गर्दा दुर्घटना भएको प्रारम्भिक अनुसन्धानबाट खुलेको छ।
- Jigyasa media
