नवलपरासी ।
नवलपरासीको पाल्हीनन्दन गाउँपालिका-३, बेलासपुर मा मंगलबार भएको झडपमा घाइते भएका एक व्यक्तिको उपचारका क्रममा मृत्यु भएको छ।
विवाहको विषयलाई लिएर भएको विवाद झडपमा परिणत हुँदा ३५ वर्षीय विजय धवल गम्भीर घाइते भएका थिए। उनलाई उपचारका लागि भैरहवा सिटी अस्पताल पुर्याइएको थियो, तर उपचारकै क्रममा मृत्यु भएको जिल्ला प्रहरी कार्यालयका निरीक्षक नारायण थापाले जानकारी दिए।
झडपमा २० जना घाइते भएका छन्, जसमा सर्वसाधारणसहित १२ जना प्रहरी र ४ जना सशस्त्र प्रहरी रहेको बताइएको छ। स्थिति नियन्त्रणमा ल्याउन प्रहरीले हवाइ फायर समेत गर्नुपरेको थियो। झडप रोक्न २ घण्टा लागेको प्रहरी स्रोतले जनाएको छ।
घटनाबारे थप अनुसन्धान भइरहेको छ।
- Jigyasa media
