काठमाडौँ — लमजुङको दूधपोखरी गाउँपालिकाकी पूर्वअध्यक्ष छुपिमाया गुरुङको निधन भएको छ। उनी ५८ वर्षकी थिइन् र पाठेघरको क्यान्सरबाट पीडित थिइन्।
स्वास्थ्य अवस्था जटिल भएपछि उनलाई चितवनमा उपचारका लागि लैजाँदै गर्दा मंगलबार बिहान बाटैमा उनको मृत्यु भएको हो। गुरुङ नेपाली कांग्रेस गण्डकी प्रदेश समिति सदस्य र महासमिति सदस्य समेत थिइन्।
गुरुङको निधनले लमजुङका राजनीतिक तथा सामाजिक क्षेत्रमा ठूलो क्षति पुगेको छ। स्थानीय तहमा उनको नेतृत्व, समाजप्रतिको योगदान, र पार्टीमा उनको भूमिकाले धेरैलाई प्रेरित गरेको थियो।
- Jigyasa media
