बागमती, ३१ भदौ । श्रम तथा रोजगार कार्यालय हेटौँडाले भीमफेदी गाउँपालिका–६, चिसापानीस्थित होटलहरूबाट आज ७ जना बालश्रमिकको उद्धार गरेको छ। अनुगमनका क्रममा ती होटलहरूमा बालश्रमिक प्रयोग भएको पाइएपछि उद्धार गरिएको हो। श्रम कार्यालयका प्रमुख छन्दनारायण श्रेष्ठका अनुसार बालश्रमिक राख्ने होटल सञ्चालकहरूविरुद्ध कानूनी कारबाही प्रक्रिया अघि बढाइएको छ।

यस आर्थिक वर्ष २०८०–८१ मा मात्र ३५ बालश्रमिकको उद्धार गरी, ३५ उद्योग प्रतिष्ठानहरू र रोजगारदातालाई कारबाही गरिएको थियो। ती प्रतिष्ठानहरूलाई बालश्रमिकको प्रयोगका लागि तीन लाख ९१ हजार रूपैयाँ क्षतिपूर्ति तिराइएको छ।

मकवानपुरमा गाँजासहित दुई युवक पक्राउ

मकवानपुर, ३१ भदौ: मकवानपुरको हेटौँडाबाट पथलैयातर्फ जाँदै गरेको पिकअप भ्यानमा लुकाएर ल्याउँदै गरेको दुई क्विन्टल २३ किलो गाँजासहित दुई युवक पक्राउ परेका छन्। पक्राउ पर्नेमा धादिङको थाँक्रे गाउँपालिका–४ का चालक जीवन मगर र सोही ठाउँका ३० वर्षीय प्रदीप क्षेत्री रहेका छन्। प्रहरीले उनीहरूलाई पक्राउ गरी अनुसन्धान प्रक्रिया अघि बढाएको छ।

• Jigyasa media