काठमाण्डौ ।

बेलायतका राजकुमार एडवर्ड आज नेपाल आउँदै छन्। यो सन् २०२५ मा उनको पहिलो विदेश भ्रमण हो, जसले नेपाल-बेलायत सम्बन्धलाई अझ मजबुत बनाउने अपेक्षा गरिएको छ।

नेपाल र बेलायतबीच ऐतिहासिक रूपमा गहिरो सम्बन्ध रहेको छ। सन् १८१५ मा ब्रिटिश-नेपाल युद्धपछि दुई देशबीचको कूटनीतिक सम्बन्ध सुरु भएको थियो। विशेषगरी गोर्खा सैनिकहरूको योगदान र सांस्कृतिक आदान-प्रदानले यो सम्बन्धलाई अझ मजबुत बनाएको छ।

राजकुमार एडवर्डको भ्रमणले नेपाल-बेलायत मित्रतालाई नयाँ उचाइमा पुर्याउने विश्वास गरिएको छ। उनको भ्रमण तालिका आधिकारिक रूपमा सार्वजनिक नगरिए पनि विभिन्न उच्चस्तरीय भेटघाट र सांस्कृतिक कार्यक्रममा सहभागिता रहने अनुमान गरिएको छ।

यसअघि बेलायती शाही परिवारका सदस्यहरूले पटक-पटक नेपाल भ्रमण गरिसकेका छन्। सन् १९६१ र १९८६ मा महारानी एलिजाबेथ द्वितीय, सन् १९८० मा राजकुमार चार्ल्स, र सन् १९९३ मा युवराज्ञी डायनाले नेपाल भ्रमण गरेका थिए।

राजकुमार एडवर्डको भ्रमणले नेपालको पर्यटन प्रवर्द्धनमा सकारात्मक प्रभाव पार्ने तथा दुई देशबीचको सम्बन्धलाई नयाँ गहिराइ दिने अपेक्षा गरिएको छ।

• Jigyasa media