काभ्रे, फागुन १८ – काभ्रेको खानिखोला गाउँपालिकामा मदिरा सेवनपछि उग्र बनेका एक युवकले आफ्नै आमासहित नगर प्रहरीलाई आक्रमण गरेका छन्।
खानिखोला गाउँपालिका-५ बस्ने २८ वर्षीय विकास भुजेलले मादक पदार्थ सेवन गरी आफ्नी ५० वर्षीया आमा सुनमाया भुजेललाई चिरपटले टाउकोमा हानेर गम्भीर घाइते बनाएका छन्। कानमाथि गहिरो चोट लागेपछि उनलाई प्राथमिक स्वास्थ्य केन्द्र तालढुंगामा उपचार भइरहेको छ। चिकित्सकहरूका अनुसार उनको अवस्था मध्यम छ।
त्यसपछि भुजेलले गाउँपालिकाको गेटअगाडि खटिएका नगर प्रहरी पाल्साङ लामामाथि चुप्पि प्रहार गरेका थिए। ३० वर्षीय लामाको छाती र ढाडको बायाँपट्टी गम्भीर चोट लागेको छ, जसको उपचारका लागि उनलाई धुलिखेल अस्पताल पठाइएको छ।
आक्रमण गर्ने भुजेललाई चुप्पिसहित नियन्त्रणमा लिइएको छ भने घटनाबारे आवश्यक अनुसन्धान भइरहेको प्रहरीले जनाएको छ।
- Jigyasa media
