काठमाडौं, असार ७ – देशभर सक्रिय बनेको मनसुनी प्रणालीका कारण आज शनिबार कोसी, मधेस, बागमती, गण्डकी, लुम्बिनी र सुदूरपश्चिम प्रदेशका विभिन्न भागहरूमा भारीदेखि धेरै भारी वर्षाको सम्भावना देखिएको छ।

जल तथा मौसम विज्ञान विभागको मौसम पूर्वानुमान महाशाखाले बिहान ६ बजे सार्वजनिक गरेको बुलेटिनअनुसार, दिउँसोदेखि रातिसम्म देशका पहाडी तथा हिमाली भूभागमा व्यापक वर्षा हुने अनुमान गरिएको छ।

📌 दिउँसोको स्थिति:

देशका पहाडी भूभागका केही स्थानमा

बाँकी भूभागका थोरै स्थानमा

मेघगर्जन र चट्याङसहित हल्कादेखि मध्यम वर्षाको सम्भावना

कोसी, बागमती, गण्डकी, लुम्बिनी र सुदूरपश्चिम प्रदेशका एक-दुई स्थानमा भारी वर्षाको सम्भावना

उच्च पहाडी तथा हिमाली क्षेत्रका केही स्थानमा हल्का हिमपात/वर्षा सम्भावित 

🌙 रातिको पूर्वानुमान:

देशभरको पहाडी भूभागमा सक्रिय वर्षा

बाँकी स्थानहरूमा पनि हल्कादेखि मध्यम वर्षा

कोसी, मधेस, बागमती, गण्डकी, लुम्बिनी र सुदूरपश्चिम प्रदेशमा भारीदेखि धेरै भारी वर्षाको सम्भावना

उच्च हिमाली भूभागमा पनि हिमपातको जोखिम

🌀 देशभर फैलिंदै मनसु

मौसमविद्‌का अनुसार, हाल देशभर मनसुनी वायुले प्रभाव जमाएको छ। असार ६ बाट औपचारिक रूपमा सुरु भएको मनसुनले अब झन् सक्रियता बढाउने देखिएको छ।

🌧️ कति मिलिमिटर वर्षालाई के भन्ने?

वर्षाको मापन अनुसार,

१० मिमि.भन्दा कम – हल्का वर्षा

१०–५० मिमि. – मध्यम वर्षा

५०–१०० मिमि. – भारी वर्षा

१००–२०० मिमि. – धेरै भारी वर्ष

२०० मिमि.भन्दा बढी – अति भारी वर्ष

 "एक-दुई स्थान", "थोरै", "केही" भनेको के हो?

एक-दुई स्थान = १०% भन्दा कम भूभाग

थोरै स्थान = १०–३०%

केही स्थान = ३०–५०%

धेरै स्थान = ५०–८०%

अधिकांश स्थान = ८०% भन्दा बढी क्षेत्रफल

⚠️ सावधानी अपनाउनुहोस्

मनसुनी वर्षाले बाढी, पहिरो, सडक अबरुद्ध, विद्युत कटौती लगायतका जोखिम निम्त्याउन सक्छ। सम्बन्धित प्रदेश र स्थानहरूमा विशेष सतर्कता अपनाउन मौसम विभागले आह्वान गरेको छ।

• Jigyasanepal