काठमाडौं । देशभर पछिल्लो एक महिनामा भएका ५०१ आगलागी घटनामा ६ जनाले ज्यान गुमाएका छन्, जसमा एक पुरुष, चार महिला र एक बालक रहेका छन्।
नेपाल प्रहरीका अनुसार, ती घटनामा ३० पुरुष, २६ महिला, ६ बालक र ३ बालिका घाइते भएका छन्। आगलागीका कारण ८७ घर र ५७ गोठमा क्षति पुगेको छ भने १४६ पशुचौपायाको ज्यान गएको छ।
घटनाका कारण ३८ परिवार विस्थापित भएका छन्। प्रहरी नायब महानिरीक्षक दिनेशकुमार आचार्यका अनुसार, आगलागीबाट करिब ४० करोड ४८ लाख रुपैयाँ बराबरको क्षति भएको छ।
- Jigyasa media
