बझाङ । बुङ्गल नगरपालिका-१० टुमेडामा आइतबार राति खसेको पहिरोले एकै परिवारका चार जना बेपत्ता भएका छन्। पहिरोले स्थानीय वीरा धामीको घर पुरिँदा उनकी श्रीमती, बुहारी, र दुई नातिनी बेपत्ता भएको सुदूरपश्चिम प्रदेश प्रहरी कार्यालयका प्रमुख प्रहरी नायब महानिरीक्षक रवीन्द्र केसीले जानकारी दिएका छन्।
राति १ बजे घरमाथि खसेको पहिरोले घरमा क्षति पुर्याएको छ। नौ जना सदस्य रहेको घरमा गाउँलेको तत्कालीन प्रयासले पाँच जनालाई जीवितै उद्धार गरिएको छ भने चार जना अझै बेपत्ता छन्। उद्धार गरिएका सदस्यहरूमा वीरा धामी, उज्जल धामी, रोसन धामी, कमला धामी, र शान्ति धामी सकुशल रहेको स्थानीय स्रोतले जनाएको छ।
बेपत्ता भएका सदस्यहरू काली धामी, गोल्की धामी, आसिका धामी, र लक्ष्मी धामीको खोजी कार्य जारी रहेको छ। घटनाबारे विस्तृत विवरण आउन बाँकी छ।
- Jigyasa media
