काठमाडौं – दुर्लभ वन्यजन्तु रेड पाण्डाको छालासहित एक व्यक्ति पक्राउ परेका छन्। पक्राउ पर्नेमा बाग्लुङको वरेङ गाउँपालिका–३ स्थायी घर भई हाल काठमाडौंको स्वयम्भूमा बस्दै आएका ४५ वर्षीय तारा थापा रहेका छन्।
प्रहरी वृत्त महाराजगंज र प्रहरी प्रभाग गोंगबुले मंगलबार दिउँसो विशेष सूचनाका आधारमा उनलाई पक्राउ गरेको हो। रेड पाण्डाको छाला अवैध रूपमा किनबेच गर्ने तयारी भइरहेकाले प्रहरीले छापा मारेर उनलाई नियन्त्रणमा लिएको बताइएको छ।
पक्राउ परेका व्यक्तिमाथि थप अनुसन्धान कार्य भइरहेको प्रहरीले जनाएको छ।
- Jigyasa media
