काठमाण्डौ । रूस–युक्रेन युद्ध अन्त्यका लागि कूटनीतिक पहल जारी रहेका बेला, पछिल्लो रूसी आक्रमणमा १२ युक्रेनी नागरिकको ज्यान गएको छ भने ६ जना घाइते भएका छन्।
युक्रेनी अधिकारीहरूका अनुसार, डोनेट्स्क, खेरसन, निकोपोल र जापोरिजिया क्षेत्रमा भएका आक्रमणका कारण स्थानीय संरचना र पूर्वाधारमा व्यापक क्षति पुगेको छ। क्षेत्रीय प्रमुख वादिम फायलास्किनका अनुसार, डोनेट्स्कबाट करिब १८३ जनालाई सुरक्षित स्थानमा सारिएको छ। साथै, किभ र पोटलाभा क्षेत्रहरूमा विद्युत् आपूर्तिमा अवरोध पुगेको छ।
यस विषयमा रूसी पक्षबाट कुनै औपचारिक प्रतिक्रिया आएको छैन।
-
Jigyasanepal
