काठमाडौं – माध्यमिक शिक्षा परीक्षा (एसईई) आजदेखि देशभर सुरु हुँदै छ। परीक्षा नियन्त्रण कार्यालयका अनुसार बिहान ८ बजेबाट देशभरका २,०७९ परीक्षा केन्द्रहरूमा परीक्षा सञ्चालन हुनेछ।
पहिलो दिनका विषयहरू
परीक्षा तालिका अनुसार पहिलो दिन अनिवार्य अङ्ग्रेजी, संस्कृत वेदविद्याश्रमतर्फ अनिवार्य संस्कृत रचना, र मदरसातर्फ अनिवार्य अरेबिक भाषा विषयको परीक्षा लिइँदै छ।
विद्यार्थी संख्यामा वृद्धि
यस वर्ष एसईईमा ५ लाख १४ हजार ७१ विद्यार्थी सहभागी हुनेछन्, जुन अघिल्लो वर्षको तुलनामा ४९ हजार २८६ ले बढी हो। गत वर्ष ४ लाख ६४ हजार ७८५ विद्यार्थी सहभागी भएका थिए।
परीक्षा व्यवस्थापन
१५० जनासम्म परीक्षार्थी भएको केन्द्रमा १ सहायक केन्द्राध्यक्ष र प्रत्येक २० विद्यार्थीका लागि १ निरीक्षक खटाइनेछ।
७५ भन्दा कम परीक्षार्थी भएको केन्द्रमा भने सहायक केन्द्राध्यक्ष रहने छैन।
एसईई परीक्षा चैत १९ गतेसम्म सञ्चालन हुनेछ भने परीक्षा बिहान ८ देखि११ बजेसम्म हुने छ।
- Jigyasa media
