काठमाडौं, चैत २९ –शुक्रबार देशभर आंशिकदेखि सामान्य बदली रहने मौसमविद्हरूले बताएका छन्। मौसम पूर्वानुमान महाशाखाका अनुसार विशेषगरी पहाडी क्षेत्रहरूमा वर्षाको सम्भावना रहेको छ।
महाशाखाका अनुसार केही पहाडी भूभागमा र केही थोरै भू-भागमा मेघगर्जन, चट्याङसहित हल्कादेखि मध्यम खालको वर्षा हुने सम्भावना छ। यसका साथै उच्च पहाडी र हिमाली भेगहरूमा हल्का वर्षा वा हिमपातको सम्भावना पनि देखिएको छ।
शुक्रबार रातिपख सुदूरपश्चिम प्रदेशका धेरै स्थानहरूमा आंशिकदेखि सामान्य बदली रहनेछ। अन्यत्र आंशिक बदलीसँगै अधिकांश भूभागमा मौसम सफा रहने अनुमान गरिएको छ।
मौसमविद्हरूले सम्भावित वर्षा र चट्याङलाई ध्यानमा राख्दै सचेत रहन अनुरोध गरेका छन्। विशेषगरी यात्रामा निस्कने वा कृषि कार्यमा संलग्न व्यक्तिहरूले मौसमको अवस्थाबारे जानकारी लिएर मात्र योजना बनाउन सुझाइएको छ।
- Jigyasa media
