चितवन – निरन्तरको वर्षाका कारण पहिरोको जोखिमलाई ध्यानमा राखी नारायणगढ–मुग्लिन सडकखण्डमा राति सवारी सञ्चालन रोक्ने निर्णय गरिएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणको निर्देशन अनुसार, पहिरो खस्ने सम्भावनालाई मध्यनजर गर्दै बेलुका ७ बजेदेखि बिहान ५ बजेसम्म सवारी आवागमन पूर्ण रूपमा बन्द गरिनेछ।
जिल्ला प्रहरी कार्यालय, चितवनका प्रमुख भावेश्वर रिमालले आज र भोलि विशेष सतर्कता अपनाइँदै अत्यावश्यक सवारी साधनबाहेक अन्य सबै सवारीलाई नारायणगढतर्फ आँपटारी र मुग्लिनतर्फ मुग्लिन बजारमा रोकिने जानकारी दिए। उक्त निर्णयले सम्भावित दुर्घटनाबाट जोगिन र सुरक्षाको प्रत्याभूति गर्ने लक्ष्य राखिएकोछ।
- Jigyasa media
