१७ भदौ, कैलाली – कैलालीमा सर्पको टोकाइले एक ५ वर्षीय बालकको ज्यान गएको छ। धनगढी उपमहानगरपालिका–९ वनदेवी टोल निवासी माया विकका छोरा अरुण विकलाई सर्पले टोकेर गम्भीर घाइते भएपछि उपचारका क्रममा निधन भएको हो।
जिल्ला प्रहरी कार्यालय कैलालीका अनुसार, बालकलाई सुतिरहेको बेला सर्पले टोकेको थियो। तत्कालै अस्पताल लगिए पनि सेती प्रादेशिक अस्पतालमा राति करिब २ बजे उनको निधन भएको जनाइएको छ।
त्यस्तै, गएराति कैलालीको गोदावरी नगरपालिकामा ३३ वर्षीय सागर विष्ट पनि सर्पको टोकाइबाट घाइते भएका छन्। निजको किराना पसलको आगनमा दाहिने खुट्टामा सर्पले टोकेपछि उनी सेती प्रादेशिक अस्पतालमा उपचाररत छन्। विष्टलाई कुन प्रकारको सर्पले टोकेको हो भन्ने जानकारी प्राप्त नभए पनि उनको अवस्था मध्यम रहेको बताइएको छ।
- Jigyasa media
