काठमाडौं – आगामी तीन दिनका लागि जल तथा मौसम विज्ञान विभागले देशका विभिन्न भूभागमा मौसम परिवर्तनको सम्भावना रहेको जनाएको छ।
आज सोमबार:
देशभरि बिहान मौसम सामान्य रूपमा सफा रहनेछ। दिउँसो कोसी र गण्डकी प्रदेशका उच्च पहाडी तथा हिमाली भूभागमा आंशिक बदली रहने सम्भावना छ। राति सुदूरपश्चिम र कर्णाली प्रदेशको पहाडी क्षेत्रमा आंशिकदेखि सामान्य बदली हुन सक्नेछ। ती प्रदेशका उच्च पहाडी तथा हिमाली क्षेत्रमा हल्का हिमपातको सम्भावना रहेको छ।
मंगलबार:
दिउँसो सुदूरपश्चिम, कर्णाली, गण्डकी र कोसी प्रदेशको पहाडी भूभागमा आंशिकदेखि सामान्य बदली रहनेछ। सुदूरपश्चिम प्रदेशको केही पहाडी क्षेत्रमा हल्का वर्षा हुन सक्छ भने ती प्रदेशका उच्च पहाडी तथा हिमाली भागमा हल्का हिमपातको सम्भावना छ। राति कोसी, गण्डकी र कर्णाली प्रदेशमा आंशिक बदली रहनेछ।
बुधबार:
दिउँसो कोसी प्रदेशको पहाडी क्षेत्रमा आंशिक बदली रहने सम्भावना छ भने अन्य ठाउँमा मौसम सामान्यत: सफा रहनेछ। राति पनि कोसी प्रदेशमा आंशिक बदली रहनेछ।
विभागका अनुसार हाल नेपालमा उल्लेखनीय मौसमी प्रणालीको प्रभाव नरहेको छ।
-
Jigyasanepal
