जेष्ठ १, २०८२ | बुधबार, काठमाडौं ।

देशभर हाल पश्चिमी वायु र स्थानीय वायु को सक्रिय प्रभाव जारी रहेको मौसम पूर्वानुमान महाशाखाले जनाएको छ। सो प्रभावका कारण आज गण्डकी, कोशी, बागमती, लुम्बिनी र सुदूरपश्चिम प्रदेशका पहाडी क्षेत्रमा मौसम परिवर्तनशील रहने अनुमान गरिएको छ।

बिहानैदेखि गण्डकी प्रदेशका केही स्थानहरूमा र कोशी तथा बागमती प्रदेशको पहाडी भूभागमा चट्याङसहित हल्कादेखि मध्यम वर्षा भइरहेको छ।

दिउँसोसम्म देशका विभिन्न स्थानमा अझै यस्तो अवस्था देखिने भएकाले सतर्कता अपनाउन मौसमविद्‌हरूले आग्रह गरेका छन्।

महाशाखाका अनुसार—

कोशी, बागमती र गण्डकी प्रदेशका पहाडी क्षेत्रका थोरै स्थानहरूमा,

अन्य पहाडी भूभागका एक–दुई स्थानमा

चट्याङसहित हल्कादेखि मध्यम वर्षाको सम्भावना छ।

त्यस्तै,उच्च पहाडी तथा हिमाली भूभागका एक–दुई स्थानमा हल्का वर्षासहित हिमपातको सम्भावना रहेको छ।

लुम्बिनी र सुदूरपश्चिम प्रदेशका केही भागमा हावाहुरी चल्ने सम्भावना पनि महाशाखाले जनाएको छ। यसकारण, खुला ठाउँमा रहँदा सतर्क रहनुहोस्, यात्रा वा खेतीपातीमा मौसमको अवस्था हेरेर निर्णय लिनुहोस्।

• Jigyasanepal