टेक्सस, अमेरिका । भीषण बाढीले टेक्सस राज्यमा विनाश ल्याएको छ। सरकारी अधिकारीहरूले पुष्टि गरेअनुसार बाढीका कारण अहिलेसम्म १०७ जनाको मृत्यु भइसकेको छ, भने अझै पनि दर्जनौं मानिस बेपत्ताको सूचीमा छन्।

सबैभन्दा ठूलो क्षति केर काउन्टीमा भएको छ। त्यहाँका सेरिफ ल्यारी लेथाले दिएको जानकारीअनुसार उक्त काउन्टीमा मात्रै ८७ जनाले ज्यान गुमाएका छन्, जसमा ५६ जना वयस्क र ३१ जना बालबालिका छन्। यो संख्या नै टेक्सस राज्यको कुल मृतक संख्याको झण्डै ८० प्रतिशत हो।

🔍 अझै २६ शवको पहिचान हुन बाँकी

केर काउन्टीमा फेला परेका केही शव आफन्तलाई बुझाइसकिएको छ। तर १९ जना वयस्क र ७ जना बालबालिकाको शव अझै पहिचान हुन बाँकी रहेको पुष्टि गरिएको छ। राहत टोलीले उनीहरूको पहिचान र अन्य बेपत्ताहरूको खोजी कार्यलाई तीव्र पारेको छ।

⚠️ सडक बन्द, स्थानीयलाई यात्रा नगर्न आग्रह

केरभिल प्रहरी विभागका जोनाथन ल्याम्बले स्थानीय जनतालाई अनावश्यक आवतजावत नगर्न अनुरोध गरेका छन्। उनका अनुसार केही सडकहरू बाढीका कारण पूर्ण रूपमा असुरक्षित भएका छन्, र त्यस क्षेत्रहरूमा आवागमन रोकिएको छ।

🌀 त्रास अझै कायमै, खोजी कार्य जारी

बीबीसीका अनुसार, अझै धेरै मानिस बेपत्ताको सूचीमा छन् र खोजी तथा उद्धार कार्य अहोरात्र चलिरहेको छ। उद्धारकर्ताहरूले अझै पनि केही क्षेत्रहरूमा फसेका मानिसहरूलाई उद्दार गर्न कठिनाइ भोगिरहेका छन्।

• Jigyasanepal