काठमाण्डौ ।भारतको उत्तराखण्ड राज्यस्थित चमोली जिल्लाको माना क्षेत्र मा हिमपहिरो जाँदा ५७ जना मजदुर फसेका छन्। तीमध्ये १६ जनाको सफल उद्धार भई अस्पताल पठाइएको छ भने ४१ जना अझै बेपत्ता रहेका छन्।
शुक्रबार दिउँसो बद्रीनाथ धामअगाडि हिमनदी फुट्दा उक्त दुर्घटना भएको बताइएको छ। लगातार हिउँ परिरहेकोले उद्धार कार्यमा कठिनाइ भइरहेको भारतीय सञ्चारमाध्यमहरूले जनाएका छन्।
स्थानीय प्रशासन, सेना तथा उद्धार टोली परिचालित भए पनि प्रतिकूल मौसमका कारण हवाई उद्धारमा समस्या उत्पन्न भएको छ। घटनाबारे थप विवरण आउन बाँकी छ।
- Jigyasa media
