तनहुँ । तनहुँको ऋषिङ गाउँपालिका–३, सोलुङस्थित कटोर्के सामुदायिक वनमा सोमबार बिहान घाँस काट्ने क्रममा चिप्लिएर लडेका दुई महिलाले ज्यान गुमाएकी छन्। बिहान ७ बजे घरबाट घाँस काट्न गएकी ६२ वर्षीया श्रीमाया राना र २६ वर्षीया खिमसरा मगरको शव घटनास्थलभन्दा करिब १०० मिटर तल फेला परेको प्रहरीले जनाएको छ।

मृतक श्रीमाया राना सोही वडाकी स्थानीय हुन् भने खिमसरा मगर देवघाट गाउँपालिका–२ की हुन्। दुवैजना बिहान घरबाट निस्किए पनि बेलुका नफर्किएपछि परिवारले खोजतलास थालेको थियो। त्यसक्रममा उनीहरू घाँस काट्ने ठाउँबाट तल खसेको अवस्थामा मृत फेला परेका हुन्।

जिल्ला प्रहरी कार्यालय तनहुँका अनुसार प्रारम्भिक अनुमानमा चिप्लिएर लडेको कारण मृत्यु भएको देखिए पनि घटनाबारे थप अनुसन्धान भइरहेको छ।

दैनिकीका सामान्य काममा पनि जोखिमको घण्टी

घाँस काट्न जाँदा हुने यसप्रकारका दुर्घटनाहरू गाउँघरमा सामान्य जस्तै देखिए पनि यसले किसान, महिलाहरूको जीवनमा सधैं जोखिम ओढाइरहेको यथार्थ देखाउँछ। घर–परिवार र चौपायाका लागि दैनिक जंगल धाउने महिलाहरूको सुरक्षाको विषयमा राज्यको ध्यान पुग्न अझै बाँकी छ।

— जिज्ञासा नेपाल

• Jigyasanepal