काठमाडौं । देशका केही भू–भागमा आज वर्षाको सम्भावना रहेको छ। विशेषगरी वाग्मती र गण्डकी प्रदेशका पहाडी तथा तराई भू–भागका एक–दुई स्थानमा भारी वर्षा हुनसक्ने मौसम पूर्वानुमान गरिएको छ।

नेपाल मौसम विज्ञान विभागका अनुसार दिउँसो हिमाली तथा पहाडी भू–भागमा सामान्यतया बदली रहनेछ। कोशी, मधेस, वाग्मती र गण्डकी प्रदेशका तराई क्षेत्रमा पनि सामान्यतया बादल लाग्नेछ भने बाँकी तराई भू–भागमा आंशिक बदली रहनेछ।

दिउँसो कोशी, वाग्मती र गण्डकी प्रदेशका हिमाली भू–भागका थोरै स्थानमा मेघगर्जन तथा चट्याङसहित मध्यमसम्म वर्षा हुने सम्भावना छ।

लुम्बिनी, कर्णाली र सुदूरपश्चिम प्रदेशका हिमाली भू–भागका एक–दुई स्थानमा भने मेघगर्जन तथा चट्याङसहित हल्का वर्षा र हिमपात हुनसक्ने विभागले जनाएको छ।

त्यस्तै, कोशी, वाग्मती र गण्डकी प्रदेशका पहाडी भू–भागका केही स्थानमा मेघगर्जन तथा चट्याङसहित मध्यमसम्म वर्षा हुने सम्भावना छ। लुम्बिनी, कर्णाली र सुदूरपश्चिमका पहाडी क्षेत्रमा भने केही स्थानमा मेघगर्जन, चट्याङ र असिनासहित हल्का वर्षा तथा हिमपात हुनसक्नेछ।

मधेससहित कोशी, वाग्मती र गण्डकी प्रदेशका तराई भू–भागका थोरै स्थान तथा लुम्बिनी र सुदूरपश्चिमका तराई भू–भागका एक–दुई स्थानमा मेघगर्जन तथा चट्याङसहित मध्यमसम्म वर्षा हुने सम्भावना छ।

विभागका अनुसार वाग्मती र गण्डकी प्रदेशका पहाडी तथा तराई भू–भागका एक–दुई स्थानमा भारी वर्षा हुनसक्ने भएकाले ती क्षेत्रमा विशेष सतर्कता आवश्यक देखिएको छ।

राति पनि वर्षाको सम्भावना

राति कोशी प्रदेशका सबै भू–भाग तथा देशका बाँकी हिमाली र पहाडी क्षेत्रमा सामान्यतया बदली रहनेछ। तराई भू–भागमा भने आंशिक बदली रहने पूर्वानुमान गरिएको छ।

राति कोशी, कर्णाली र सुदूरपश्चिम प्रदेशका हिमाली भू–भागका एक–दुई स्थानमा मेघगर्जन तथा चट्याङसहित मध्यमसम्म वर्षा तथा हिमपात हुनसक्नेछ।

देशका पहाडी भू–भागका एक–दुई स्थानमा पनि मेघगर्जन तथा चट्याङसहित हल्का वर्षा तथा हिमपातको सम्भावना रहेको विभागले जनाएको छ।

यस्तै, मधेस प्रदेश तथा कोशी प्रदेशका तराई भू–भागका थोरै स्थानमा मेघगर्जन तथा चट्याङसहित मध्यमसम्म वर्षा हुनसक्नेछ।

हाल नेपालमा पश्चिमी न्यूनचापीय प्रणालीसँगै मनसुनी वायुको समेत प्रभाव रहेकाले मौसममा बदली र वर्षाको अवस्था देखिएको मौसम विज्ञान विभागले जनाएको छ। भारी वर्षाको सम्भावना रहेका क्षेत्रमा बाढी, पहिरो तथा सडक यातायातमा पर्नसक्ने असरप्रति आवश्यक सतर्कता अपनाउन आग्रह गरिएको छ।

• Jigyasanepal