कात्तिक २, २०८१ काठमाडौं
नेपालका चर्चित क्रिकेटर सन्दीप लामिछानेले अन्ततः अमेरिकाको भिसा पाएका छन्। नेपाल क्रिकेट संघ (क्यान) का अनुसार सन्दीप आजै (शुक्रबार) अमेरिका प्रस्थान गर्ने तयारीमा छन्।
नेपाल र अमेरिकाबीचको तीन खेलको टी-२० शृङ्खला आजदेखि सुरु भएको छ, जसको पहिलो खेल नेपालले जितिसकेको छ। यो शृङ्खला नेपाल, अमेरिका र स्कटल्यान्ड सम्मिलित विश्वकप लिग-२ को हिस्सा हो, जुन अक्टोबर २५ देखि नोभेम्बर ४ सम्म अमेरिकाको टेक्ससस्थित ग्रान्ड प्रेरी रंगशालामा हुँदैछ।
यसअघि, भिसा नपाउँदा सन्दीपले अमेरिकामा हुने टी-२० विश्वकपका खेलहरूमा सहभागी हुन पाएका थिएनन्। क्यानडामा खेलेपछि सन्दीप भिसा अभावका कारण स्वदेश फर्किनुपरेको थियो, तर अब उनले अमेरिकी भिसा पाएपछि शृङ्खलामा खेल्न अमेरिका जानेछन्।
- Jigyasa media
