जिज्ञासा नेपाल | चैत ३१, काठमाडौं । हङकङको मङककस्थित मिसन क्रिकेट मैदानमा सम्पन्न चारदेशीय टी–२० अन्तर्राष्ट्रिय क्रिकेट श्रृङ्खलाको रोमाञ्चक फाइनलमा नेपाल कुवेतसँग ३ रनले पराजित हुँदै उपाधिबाट चुकिएको छ।
कुवेतले टस जितेर पहिले ब्याटिङ गर्दै २० ओभरमा ७ विकेट गुमाउँदै १७४ रन बनायो।
नेपाललाई १७५ रनको चुनौती दिइएको थियो। जवाफी इनिङमा नेपाल १९.३ ओभरमा १७१ रनमै अलआउट भयो।
नेपालको सुरुवात निकै खराब रह्यो। पावरप्लेमै चार विकेट गुमाएपछि नेपालको ब्याटिङ धरासायी भयो। तर बसिर अहमद र नन्दन यादवले नवौं विकेटका लागि ७२ रनको संघर्षपूर्ण साझेदारी गर्दै टिमलाई जितको नजिक पु¥याए।
अन्तिम ओभरमा ११ रन चाहिएको अवस्थामा नो बलमा आएको छक्काले आशा बढायो। तर ६ बलमा ४ रन बनाउनु पर्ने दबाबमा बसिर अहमदले ठूलो सट खेल्ने प्रयास गर्दा बाउन्ड्री लाइनमा क्याच आउट हुँदै खेल गुम्यो।
बसिरले ४३ बलमा ८० रन बनाउँदै सानदार इनिङ खेले, जसमा उनले ८ चौका र ४ छक्का प्रहार गरे।
नन्दन यादवले ३७ रन बनाए।
आसिफ शेखले २१ रन बनाए पनि अन्य कुनै ब्याटरले दोहोरो अंक पार गर्न सकेनन्।
कुवेतका बलरमध्ये अनुदिप चेन्थामाराले ३ विकेट लिए। यासिन पटेल र नवीनराज राजेन्द्रनले २–२ विकेट तथा मोहम्मद अस्लमले १ विकेट लिए।
यसअघि ब्याटिङमा उत्रिएको कुवेतका लागि ओपनर रविजा सान्द्रारुवानले सर्वाधिक ६३ रनको अर्धशतकीय इनिङ खेले। उनले ३६ बलमा ६ चौका र ४ छक्का हाने। क्लिन्टो एन्टोले २६, उस्मान पटेलले २३, र मित भवसारले १६ रन बनाए।
नेपालका लागि बलिङमा नन्दन यादव र सोमपाल कामीले २–२ विकेट लिए। करण केसी र कुशल भुर्तेलले १–१ विकेट लिए।
तीन रनको यो नाटकीय हारले उपाधि त गुम्यो, तर बसिर र नन्दनको साहसी प्रदर्शनले भविष्यप्रति आशा जगाएको
छ ।
- Jigyasa media
