काठमाडौं – भुटानमा जारी साफ यू-१७ च्याम्पियनसिपको समूह बी अन्तर्गत नेपालले आफ्नो पहिलो खेलमा पाकिस्तानसँग १-० को हार बेहोरेको छ। शनिबार चाङल्मिथाङ स्टेडियममा भएको प्रतिस्पर्धामा पाकिस्तानका वैकल्पिक खेलाडी मुहम्मद तल्हाले ८१औं मिनेटमा निर्णायक गोल गर्दै पाकिस्तानलाई जित दिलाए।
तल्हा खेलको ७० औं मिनेटमा अब्दुल घानीको स्थानमा मैदान प्रवेश गरेका थिए र ११ मिनेटमै निर्णायक गोल गर्दै पाकिस्तानलाई अग्रता दिलाए। नेपालले खेलमा बराबरीको मौका खोजे पनि पाकिस्तानको गोलकिपरलाई चुनौती दिन असफल रह्यो।
अब नेपालले सोमबार श्रीलंका र बुधबार भुटानसँग आफ्नो बाँकी समूह चरणका खेलहरू खेल्नेछ।
-
Jigyasanepal
