धनगढी । डोटीमा शैलेश्वरी यातायातको यात्रुबाहक बस दुर्घटना हुँदा १६ जना घाइते भएका छन्। बिहीबार धनगढीबाट छुटेको ना ५ ख ४४५१ नम्बरको बस शुक्रबार बिहान करिब ४ बजे दिपायल सिलगढी नगरपालिका–४ स्थित रेडियो नेपालको प्रशारण केन्द्र नजिकै दुर्घटनाग्रस्त भएको हो।
प्रदेश ट्राफिक प्रहरी कार्यालय अत्तरियाका अनुसार दुर्घटनामा परेका १६ जना यात्रुमध्ये एक जनाको अवस्था गम्भीर रहेको छ। सबै घाइतेहरूलाई उद्धार गरी उपचारका लागि सुजङ अस्पतालमा पठाइएको छ।
प्रहरीले बस करिब एक सय मिटर तल खसेको र दुर्घटनाको कारण हालसम्म खुल्न नसकेको जानकारी दिएको छ।
-
Jigyasanepal
