धनगढी, फागुन १० – कैलालीमा विषादी सेवन गरेका एक आमा र उनकी छोरीको मृत्यु भएको छ।
कैलारी गाउँपालिका–२ निवासी ३५ वर्षीया मिना चौधरी र उनकी १९ वर्षीया छोरी सुस्मिता चौधरीलाई विषादी सेवन गरेको अवस्थामा भेटिएको जिल्ला प्रहरी कार्यालय कैलालीले जनाएको छ।
प्रहरीका अनुसार शुक्रबार दिउँसो उनीहरू आफ्नै घरमा अचेत अवस्थामा फेला परेका थिए। परिवारका सदस्यले तत्कालै उनीहरूलाई उपचारका लागि धनगढीस्थित कैलाली अस्पताल लगे पनि उपचारकै क्रममा दुबैको मृत्यु भएको प्रहरी नायब उपरीक्षक (डीएसपी) कबिन्द्रसिंह बोहराले जानकारी दिए।
शव परीक्षणका लागि सेती प्रादेशिक अस्पतालमा राखिएको छ भने घटनाको विस्तृत अनुसन्धान भइरहेको प्रहरीले जनाएको छ।
- Jigyasa media
