सुर्खेत — सुर्खेत प्रहरीले आइतबार साँझ लागुऔषध ब्राउन सुगरसहित दुई जनालाई पक्राउ गरेको छ। पक्राउ परेकामा कालीकोटको पलाता गाउँपालिका-५ निवासी २७ वर्षीय प्रयास बम ठकुरी र वीरेन्द्रनगर-१० निवासी २१ वर्षीय चन्द्र सुनार रहेका छन्। ठकुरी हाल वीरेन्द्रनगर-९ लाटिकोइलीमा बस्दै आएका थिए।
जिल्ला प्रहरी कार्यालय सुर्खेतका अनुसार, लागुऔषधको कारोबार भइरहेको सूचना पाएपछि प्रहरी निरीक्षक कृष्णबहादुर खड्काको नेतृत्वमा खटिएको टोलीले वीरेन्द्रनगर-१० स्थित दीपनगर टोलबाट उनीहरूलाई पक्राउ गरेको हो। पक्राउ पर्ने क्रममा उनीहरूको साथबाट ५० मिलिग्राम ब्राउन सुगरजस्तो देखिने पदार्थ र १५ ट्याब्लेट लागुऔषध बरामद गरिएको प्रहरी निरीक्षक खड्काले जानकारी दिए।
हाल दुवै जनालाई जिल्ला प्रहरी कार्यालय सुर्खेतमा राखेर थप अनुसन्धान भइरहेको छ। यस घटनाले सुर्खेतमा लागुऔषध नियन्त्रणलाई लिएर प्रहरीको सक्रियता र कडा कदमलाई झल्काएको छ।
- Jigyasa media
