कालीकोट । कालीकोटको तिलागुफा नगरपालिका–४ राँचुली गाउँका २४ वर्षीय भोजनबहादुर शाही तिला नदीमा माछा मार्ने क्रममा बेपत्ता भएका छन्।
जिल्ला प्रहरी कार्यालय कालीकोटका अनुसार, आज बिहान १० बजे उनी माछा मार्नका लागि नदी पुगेका थिए। सोही क्रममा नदीमा डुबेर बेपत्ता भएपछि स्थानीयवासी र सुरक्षाकर्मीले खोजी कार्य जारी राखेका छन्।
प्रहरीका सूचना अधिकारी गोविन्द्रप्रसाद चौधरीका अनुसार बेपत्ताको खोजीमा स्थानीय प्रशासन, प्रहरी र स्थानीय युवाहरू सक्रिय छन्। हालसम्म उनको अवस्थाबारे कुनै जानकारी प्राप्त नभएको जनाइएको छ।
स्थानीय निकायद्वारा उद्धार प्रयास
तिलागुफा नगरपालिकाका उपप्रमुख महेन्द्रबहादुर शाहीले शाहीको खोजी कार्य तीव्र पारिएको बताए। स्थानीय प्रशासनको सहयोगमा नदी क्षेत्रमा व्यापक खोजी कार्य भइरहेको छ।
(रासस)
- Jigyasa media
