काठमाडौँ - काठमाडौँको अनामनगर र वरपरका विभिन्न क्षेत्रमा आज बिहानदेखि अपराह्न ४ बजेसम्म विद्युत् सेवा अवरुद्ध हुने भएको छ। नेपाल विद्युत् प्राधिकरणले जानकारी दिएअनुसार, रत्नपार्क वितरण केन्द्रको अनामनगर फिडरअन्तर्गत पर्ने के ३ सवस्टेसनदेखि घटेकुलो क्षेत्रसम्म केबल तान्ने कार्य गरिन लागेकाले विद्युत् अवरुद्ध हुने भएको हो।
विद्युत् अवरुद्ध हुने स्थानहरूमा अनामनगर पूर्वीगेट हुँदै हनुमान स्थान, सिंहदरबार दक्षिणगेट हुँदै न्युरो हस्पिटल अगाडि, प्रभु बैंक अगाडि, धोबीखोलासम्म, सेतोपुल, मैतीदेवी, जाली कारखाना, घटेकुलो क्षेत्र, र गोर्खा एफएम सम्मका क्षेत्रहरू समेटिएका छन्।
प्राधिकरणले जारी गरेको विज्ञप्तिमा बिहान ८ बजेदेखि अपराह्न ४ बजेसम्म विद्युत् सेवा अवरुद्ध रहने जानकारी दिएको छ। यो समयमा प्रभावित क्षेत्रका बासिन्दाहरूले वैकल्पिक व्यवस्था मिलाउन अनुरोध गरिएको छ।
- Jigyasa media
