जाजरकोट – जाजरकोटको बारेकोट गाउँपालिका-६, धुमामा खसेको पहिरोले पुरिएका दुई जनाको शव फेला परेको छ। शनिबार राति करिब १ बजे घरमाथिबाट खसेको पहिरोले वडा सदस्य प्रेमकुमारी चलाउने र उनका श्रीमान् मानबहादुर चलाउनेलाई पुरेको थियो।
जिल्ला प्रहरी कार्यालय जाजरकोटले स्थानीयवासीको सहयोगमा दुवैको शव निकालिएको जनाएको छ। पहिरोमा परेर घाइते भएकी ११ वर्षीया छोरी सम्झना चलाउनेलाई नेपाली सेनाको हेलिकोप्टरमार्फत थप उपचारका लागि कर्णाली प्रदेश अस्पताल, सुर्खेत पठाइएको जिल्ला प्रहरी कार्यालयका प्रमुख डीएसपी पुरूषोत्तम पाण्डेले जानकारी दिएका छन्।
- RSS
