काभ्रे । काभ्रेको बामपन्थी आन्दोलनलाई बलियो आधार दिने, तत्कालीन नेकपा माले (हाल एमाले) का संस्थापक नेताको निधन भएको छ । साबिक सर्स्युंखर्क गा.वि.स.का दुई पटक निर्वाचित अध्यक्ष ( हाल तेमाल गाउँपालिका वडा नं १,२) तथा समाज र शिक्षाक्षेत्रमा सक्रिय खम्बाको रूपमा परिचित,  संग्राम तामाङको निधन भएको हो । उनको धुलिखेल अस्पतालमा उपचारको क्रममा आज बुधबार बिहान असामयिक निधन भएको परिवारीक स्रोतले जनाएको छ । सरल, प्रष्ट स्वभावका उनको निधन सँगै सम्पूर्ण काभ्रेली समाज स्तब्ध बनेको छ।

स्वर्गीय तामाङले तेमाल स्थित श्री जन चेतना मा.वि., श्री सर्वोद्वार मा.वि. र जन उद्दार प्रा.वि.का विद्यालय व्यवस्थापन समितिका अध्यक्षका रूपमा शैछिक र समाज सुधारमा गरेको योगदानको सधैँ चर्चा हुँदै आएको छ । जनसेवामा समर्पित उहाँको व्यक्तित्व, सादगी र नेतृत्व काभ्रेली वामपन्थी तथा गैरवामपन्थी, आम समाजका लागि मार्गदर्शकका रूपमा स्मरणीय रहने भन्दै वहाँको निधनको खबरले ठूलो क्षति पुर्याएको बताइएको छ । 

परिवारको अथक प्रयास, र विशेषज्ञहरूको हरसम्भव उपचार प्रयासले पनि उहाँलाई पूर्ण रूपमा उपचार लाग्न सफल भयन वहाँको  निधनले अपूरणीय क्षति पुगेको बताइएको छ ।

जिज्ञासा नेपाल स्वर्गीय तामाङको आत्माको चिर शान्तिको कामना गर्दै शोकाकुल परिवारप्रति गहिरो समवेदना प्रकट गर्दछ ।

तामाङ संस्कार–संस्कृतिअनुसार आज बुधबार बिहानै स्वयम्भूमा उहाँको अन्तिम दाह संस्कार सम्पन्न गरिने बताइएको छ ।

• Jigyasanepal