मकवानपुर – आज बिहानदेखि पहिरोका कारण अवरुद्ध रहेको हेटौंडा–कुलेखानी–फाखेल हुँदै काठमाडौं जाने सडक खण्डलाई पुनः सञ्चालनमा ल्याइएको छ। इन्द्रसरोवर गाउँपालिका–२ स्थित सडकमा पहिरो खसेपछि यातायात अवरुद्ध भएको थियो।
जिल्ला प्रहरी कार्यालय मकवानपुरको समन्वयमा, प्रहरी, सडक डिभिजन कार्यालय, र स्थानीय तहको सहयोगले पहिरो पन्छाउने काम गरिएको थियो। पहिरो हटाएपछि सडकमा आवागमन पुनः सुचारु भएको छ, जसले यातायात प्रभावित भएका यात्रुलाई सहज बनाएकोछ।
- Jigyasa media
