– मौसम पूर्वानुमान महाशाखा
📅 जेठ १५, २०८२ | बिहीबार
🕕 समय: बिहान ६:२५ | स्थान: काठमाडौँ
नेपालमा फेरि एकपटक मौसम अस्थिर बनेको छ। पश्चिमी वायु, स्थानीय वायु र बंगालको खाडीबाट भित्रिएको जलवाष्पयुक्त हावाको प्रभावका कारण आज देशभरि वर्षाको सम्भावना रहेको मौसम पूर्वानुमान महाशाखाले जनाएको छ।
🔎 दिउँसोको अवस्था:
देशभर आंशिकदेखि सामान्य बदली हुनेछ।
– कोसी, बागमती, गण्डकी र लुम्बिनी प्रदेशसहितका पहाडी भू-भागहरूमा हल्कादेखि मध्यम वर्षा र चट्याङ/मेघगर्जनको सम्भावना।
– उच्च पहाडी तथा हिमाली भूभागहरूमा हल्का वर्षा वा हिमपात सम्भव।
🌙 रातिको अवस्था:
– गण्डकी र लुम्बिनी प्रदेशमा आंशिकदेखि सामान्य बदली।
– पहाडी क्षेत्रका थोरै स्थानहरूमा हल्कादेखि मध्यम वर्षा।
– गण्डकी र लुम्बिनीका एक-दुई स्थानहरूमा भारी वर्षाको चेतावनी।
– कोसी, बागमती र गण्डकीका उच्च हिमाली भूभागमा हिमपातको सम्भावना।
🌧 वर्षाको मापदण्ड के हो?
मौसमविद्का अनुसार:
- हल्का वर्षा : १० मि.मि.भन्दा कम
- मध्यम वर्षा : १०–५० मि.मि.
- भारी वर्षा : ५०–१०० मि.मि.
- धेरै भारी वर्षा : १००–२०० मि.मि.
- अति भारी वर्षा : २०० मि.मि. भन्दा बढी
📌 ‘थोरै’, ‘केही’ र ‘एक-दुई’ स्थान के अर्थ राख्छन्?
- केही स्थान: सम्बन्धित क्षेत्रको ५०% भूभाग
- थोरै स्थान: २५–३०%
- एक-दुई स्थान: २५% भन्दा कम
✅ सावधानी अपनाऔं
गण्डकी र लुम्बिनीका बासिन्दालाई विशेष सतर्कता अपनाउन सुझाव दिइएको छ। संभावित बाढी, पहिरो र चट्याङबाट जोगिन सजग रहनुहोस्।
-
Jigyasanepal
