काठमाडौं, पुष ९ – राष्ट्रिय प्रजातन्त्र पार्टी (राप्रपा)ले सरकारविरुद्ध देशव्यापी भण्डाफोर अभियान सञ्चालन गर्ने घोषणा गरेको छ। पार्टीको केन्द्रीय कार्यसम्पादन समिति बैठकले भ्रष्टाचार संस्थागत भएको र मुलुक अस्तव्यस्त बनाएको निष्कर्ष निकाल्दै सातै प्रदेश र विभिन्न तहमा विरोध कार्यक्रम गर्ने निर्णय गरेको हो।
राप्रपाका अध्यक्ष राजेन्द्र लिङ्देनका अनुसार वर्तमान सरकार ठूला दलको मिलेमतोमा बने पनि जनताको अपेक्षा पूरा गर्न असफल भएको छ। उनले सरकारको आर्थिक नीति प्रभावहीन रहेको र परराष्ट्र नीतिको असन्तुलनले नेपाललाई भूराजनीतिक संकटमा धकेल्ने जोखिम भएको टिप्पणी गरे।
मुख्य निर्णयहरू
बैठकमा निम्न विषयमा छलफल र निर्णय गरियो:
सहकारी पीडितहरूको बचत फिर्ता सुनिश्चित गर्न माग।
आन्दोलनरत पीडितहरूमाथि गरिएको दमन तुरुन्त रोक्न आग्रह।
पार्टीको जिल्ला अधिवेशन तयारीको समीक्षासमेत सम्पन्न।
राप्रपाले सरकारविरुद्धका कार्यक्रमलाई प्रभावकारी बनाउन देशव्यापी अभियान सञ्चालन गर्दै सरकारका विफलताबारे जनतालाई जानकारी गराउने रणनीति लिएको छ।
- Jigyasa media
